السلام عليكم ورحمة الله وبركاته
تتوالى الانجازات في الكات كالعادة
يوم الثلاثاء 4 نوفمبر كان ميعاد ال H4CK3RZ DAY
وكالعادة دايما على موعد مع النجاح طالما أنت في الـ CAT
**
المرة دي اليوم كان جامد جدا
مواضيع كلها جميلة بجد
وتجاوب الناس كان أحسن مع المواضيع مع ان في أخر اليوم العدد قل شوية
بس الملحوظ تجاوب الناس بالذات لما عرفوا انهم ممكن ياخدوا أسطوانة ubuntu 8.10
وااااااو
وطبعا انا كنت بلم الفلوس 
كان يوم جميل بكل المقاييس
بالذات السيشن اللي اتكلمت عن
how to become a hacker
&
Hacking a wireless network : Alive Dimo
يارب دايما الكات في نجاح 
كل اللي حسه اني شوية ندمان على تأخر انضمامي للأسرة الجميلة دي 
بس لا وقت للبكاء على اللبن اللي وقع على الأرض 
إحنا لسه هنعك إيدينا
خلينا في اللي جاي أحسن 
تحيتي ,,,
From H4CK3RZ DAY
18 علقوا عليها:
السلام عليكم و رحمة اللع و بركاته
انتا المفروض تبقى الصحفى بتاع الكات :D
ايه الشغل الجامد ده يا راجل
متندمش على حاجة..اقل ما فيها انك اول ما دخلت اشتغلت..فى ناس بتقعد سنتين تلاتة عقبال ما تبدأ تفكر تعمل حاجة
جزاكم الله خيراً كثيراً على مجهوداتك
وجزاك مثله يا أحمد
ربنا يبارك فيك يارب
وصحفي كمان :D
لأ لأ أنا كده مش هلاحق على الشغل :))
هبقى المهندس الصحفي الدكتور الظابط
مش كده
ربنا يوفق كل الناس الجميلة اللي زيك كده ويجعلكم ذخر للمسلمين .
منور المكان يا أحمد باشا
سعيد جدا بمرورك :)
ربنا معاك يارب
ربنا يخليك يا حسن
نشوفك هناك في يوم بقى
هنستناك
مش انت اللي عايز تدخل هندسة برضو ؟
:D
يبقى مكانك محجوز ياريس
يلا شد الهمة
بالتوفيق اخي وان شاء الله تسخرون قدراتكم في ما فيه المنفعه للمسلمين
وفقكم الله لما يحب ويرضى
lOsT
آمين يارب
أهلا وسهلا بك أختي
نورتي المدونة:)
السلام عليكم
ادعوا الله ان يوفقكم جميعا ..
اطيب امنياتى و خالص تحياتى
rovy
وعليكم السلام ورجمة الله وبركاته
آمين يارب
يارب للجميع إن شاء الله
نورتيني :)
السلام عليكم ورحمة
الله تعالى وبركاته
مبروك يابشمهندس
ودايمآ فى تقدم إن
شاء الله السميع العليم
وامسك فى الشغلانة اللى اقترحها
المعلق الاول(احمد الجمال) ماحدش
ضامن الظروف اهو إضافة الى خبراتك ومهارتك
تحيتى
وبالتوفيق
السلام عليكم::::::::::::::
شكراً يا معلم على زيارتك مدونتي....
أتمنى اشوفك لا حقاً.........
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي ِمدونتك
البنر موجود علي مدونتي
norahaty
وعليكم السلام ورحمة الله وبركاته
الله يبارك فيك يا دكتورة ;)
بالنسبة لوظيفة "الجميل" باشا فأنا مقدرش أرفضله طلب
دا حبيبي في الله والله
بس أنت عارفة بقى مشاغل الحياة
وأهو المثل بيقول
سبع صنايع والبخت ضايع
;d
منورة :))
مفكر
الشكر لله ياريس
ربنا يكرمك يارب
وهتشوفني كتير إن شاء الله
منور :)
م/ الحسيني لزومي
أهلا بيك في المدونة يا باشمهندس
مع إن حضرتك مش جاي تعلق عليا ﻷ جاي تحط إعلان :D
بس ما علينا
أنا مش مقتنع بكلام سيادتك في مدونتك واعتقد إني مش من الفئة اللي حضرتك عايز تغيرها
الحمد لله أنا مش عايز تغير
بس باقي الشعب تحت أمرك ,, روح غير فيه براحتك ;d
وصدقني يوم ما توصل كل البني أدمين دول هيصقفولك و يهللولك يا إما هيتفوا على وشك لا مؤاخذة يعني
خد بالك بقى
أنا مش سلبي عشان كده مش هحذف الرد بتاعك بس مش هحط البانر عشان أنا مش مقتنع أصلا بحكاية الانتخابات اللي عندنا دي
حتى لو سجلنا مفيش منهم فايدة
لما يبقوا يمشوا هبقى اروح اسجل
الله أعلم تلاقي صوتي بيطير في ملكوت الله وبيتحط في الصندوق لوحده
حد عارف :D
ربنا معاك
سلام
فعلااا كان يوم جمييل جداا
واستفدت كتير منه
ربنا يكتر الايام السعيده :)
ربنا يكرمك ويوفقك
د/هيما
د/ هيما
منور المكان
بالتوفيق للجميع إن شاء الله
تحيتي ...
هاجر
أهلا يا هندسة :)
منورة المكان
وأكيد كلنا استفدنا
ربنا يسمع منك :)
تحيتي
إرسال تعليق