وقف الموقف ,,,,, ولم يتوقف

الخميس، 27 نوفمبر 2008 ·

السلام عليكم ورحمة الله وبركاته


من المعجم الوسيط:
(وقَفَ)-ِ وُقوفًا: قام من جلوس. و- سَكَنَ بعد المَشْي. و- على الشيء: عاينَه. و- في المسأَلة: ارتاب فيها. و- على الكلمة: نَطَقَ بها مُسكَّنَةَ الآخر قاطعًا لها عَمَّا بعدَها. و- الحاجُّ بعرفاتٍ: شَهِدَ وقتَها. و- فلانٌ على ما عندَ فلان: فَهِمَه وتبيَّنه. و- الماشيَ والجالسَ، وَقْفًا: جعَلَهُ يَقِفُ. يقال: وَقَفَ الدابَّةَ. و- فلانًا عن الشيء: مَنَعَهُ عنه. و- فلانًا على الأَمر: أَطلعَه عليه. و- الأَمرَ على حضور فلان: عَلَّقَ الحُكْمَ فيه بحضوره. و- الدارَ ونحوَها: حَبَسها في سبيل اللّه. ويقال: وقَفَها على فلان، وله.

دا الفعل وقف دا غريب قوي!
حد خد باله من المعنى ممكن يتغير قد ايه؟

اللي "استوقفني" المرادي هي الوقفة ذاتها.
النهاردة حاجات غريبة وكم من الصدمات أوي حصلت ورجعت من بره هقفل المدونة يعني هقفلها خلاص مفيش كلام لولا تعبي ونومي لكانت مغلقة دلوقت
بعد شد وجذب الحمد لله غالبت الشعور القهري باغلاق المدونة تماما.
وخدت القرار المصيري بتاع كل مرة إني لازم آخد وقفة من تاني.

  • ايه دا هو كام في وقفة في الاول؟!
آه كان في بس محدش شافها لأنها أودت بحياة المدونة القديمة اللي يمكن مفيش كتير شافها أصلا.

السؤال الوجيه بقى طيب يا حج هو في ايه أصلا في المدونة عشان تقفلها؟
لا يوجد شئ مهم أصلا ذو قيمة يمكن يكون مسببلي إحباط أو حتى يكون سبب في الضغط العصبي عليا.
امممم
بعد شوية بحث وتنقيب لقيت إن السبب هو غالبا المزاج العام ,, بمعنى إننا لما بنكون زهقانين من شئ ما في حياتنا بنهرب منه بفعل معين.و دا شئ مرتبط عندي بادمان الجلوس على الانترنت.
اعتقد إن دا الوضع اللي حصل معايا حاليا واعتقد انه واقع مع كتير برضو منهم اصدقاء بيكلموني وأنا حالا بكتب التدوينة دي بيقولولي إنهم مخنوقين كده من غير سبب وبيشتكوا من لاشئ.
أي أن رد الفعل الطبيعي في هكذا حالات هو تدمير كل شئ يتعلق بحالة "الهروب" اللي بنعيشها.
لأ أحيانا يصل مداها للي حواليك كلهم , مش بس في عالم النت لأ في الواقع كمان.
الواقع مؤثر جدا ولا أخفى عن بعدي عن أعز أصدقائي وبعد المسافة بيني وبينه بسبب ظروف دراستي مأثر تأثير كبير عليا وقد يكون أحد الأسباب أيضا.

إذن فالوقفة هي الحل , والوقفة هنا تعني الموقف لا التوقف !!
كتير قوي توقفنا لاعادة حسابتنا ويوم بعد يوم بننسى وبنرجع للوضع القديم تاني.
مثلا أنا الوقفة السابقة كانت قبل الدراسة بحوالي أسبوعين وكان التوقف هو الحل والقرارات الناتجة جاءت لانقاذ ما يمكن إنقاذه على المستوى الدراسي.
وبعد امتحانات أعمال السنة اكتشفت إن النتيجة صفر.
لا تغير جذري ,,, فقط بعض التطويرات الشكلية ممكن.
كم الصدمات (المتوقع ) اللي اتعرضت له في فترة قصيرة برضو المفترض إنه يكون زي جرس خطر بالنسبة ليا.
وأذكر في هذا الموضوع هذا الحيث الشريف عن رسول الله -صلى الله عليه وسلم-:
"ما من عبد مؤمن إلا و له ذنب يعتاده الفينة بعد الفينة ، أو ذنب هو مقيم عليه لا يفارقه حتى يفارق الدنيا ، إن المؤمن خلق مفتنا توابا نساء ، إذا ذكر ذكر"
الراوي: عبدالله بن عباس المحدث: الألباني - المصدر: السلسلة الصحيحة - الصفحة أو الرقم: 2276
خلاصة الدرجة: إسناده صحيح رجاله ثقات.

نقصان كبير في الهمة وهبوط حاد في المستوى هي الاعراض الأساسية للفترة السابقة .
وزي ما كان عنوان الوقفة السابقة " وأبصر دربك يغنك عن سوء الدروب"

اعتقد أن الوقفة دي تميل لتكون
"على قدر أهل العزم تأتي العزائــم"



الوقفة الحالية هي وقفة أيضا لمحاولة ترميم الوضع الدراسي المنهار تماما, خصوصا إن امتحانات الفصل الدراسي الاول يوم 27 -12-2008, أي شهر من الآن تحديدا.

وبمناسبة الوضع الدراسي كانت فكرة كتابة مذكراتي كطالب فكرة ملحة أيضا الفترة الماضية وأنا كنت قد بدأت كتابة مذكرات امتحانات أعمال السنة للفصل الدراسي الاول واللي خلصت الاسبوع اللي فات.
بس بعد ما كتبتها لقيتها مش مذكرات ,, لقيتها كم مشاكل وملاحظات مستفزة عن التعليم الميمون بتاعنا.
عشان كده هنعيد صياغتها وهنزلها برضو قريب خلال الفترة القادمة فور الانتهاء منها.
لكن ليس كمذكرات وإنما كتحليل لوضع واحد من الطلبة الكتير اللي بيطحنوا بمزاجهم او غصب عنهم في طاحونة التعليم الجامعي.


و الوقفة أيضا
لانقاذ باقي مخططاتي وباقي لقرارات اللي أنا كنت بسعالها زي إكمالي لدراسة اللينكس بعد توقف من فترة أواخر أجازة الصيف.

بالنسبة للمدونة الوقفة هي فرصة ايضا لتغير جلدها شوية ,, لأني ناوي أغير الشكل بعد ما احسست بسوء اختيار الـ template دا واللي هوا مشابه لـ google chrome وهو لا يتفق مضمونا مع محتوى المدونة.
لذلك خدت قرار إني أشيله وأركبه على المدونة التقنية الجديدة اللي بفكر أعملها وهي كانت من جملة القرارات السابقة برضو.
شئ آخر متعلق بالمدونة وهو التفكير الجدي والذي بدا يتنامي لدي بالتحول للـ wordpress في خطوة أولية لامتلاك موقعي الشخصي - بس القرار دا لسه تحت الدراسة.

أيضا لكل من سألوني (ومن لم يخطر ببالهم السؤال أصلا) لماذا هي تحت الصفر؟
الجواب متعلق بشخصي كون إني اعاني من أزمة البدء في التغير الفعلي. فكان المطلوب هو البدء من البداية أو زي ما أنا حبيت من تحت الصفر مش من الصفر نفسه.
حملة الاصلاحات قد تكون حققت بعض الانجازات لكن ليس كل المطلوب فعليا.

الوقفة لن تكون توقفا عن المدونة بقدر ما ستكون تفرغا وفترة للاصلاح.
وأيضا ستكون فترة مناسبة للرقائق.


-----

السؤال العويص دا عجبني مع إني مردتش عليه لغاية دلوقت ومش ناوي أرد مش عارف ليه !!
على فكرة آدم نفسه يمكن ميعرفش شخصيتي هنا لأنه عمره ما دخل عندي , بس في الحقيقة لو شافني هيعرفني لأننا زمايل كلية واحدة .

و افتكروا بس تصوموا العشر الأول من ذي الحجة دي أيام مفترجة.



عَنْ جَابِرِ بْنِ عَبْدِ اللهِ رَضِيَ الله عَنْهُ قَالَ:
قَالَ رَسُولَ اللهِ صَلَّى الله عَلَيْهِ وَسَلَّمَ:

"أَفْضَلُ أَيَّامِ الْدُّنْيَا أَيَّامُ الْعَشْرِ، يَعْنِي عَشْرُ ذِي الحْجَّةِ".
أخرجه البزار كما فى كشف الأستار (2/28 ، رقم 1128) قال الهيثمي (4/17) :
رجاله ثقات ، وصححه الألباني (صحيح الجامع ، رقم 1133).



ملاحظة أخيرة
التدوينة دي غير مفتوحة للتعليقات. وذلك لسببين
أولا: احيانا في قرارات لا تحتاج للمشورة , وقد تكون المشورة فيها عطلة من غير لازمة. اعتقد دا الوضع الراهن.
ثانيا: أنا الحمد لله بخير وزي الفل ومتأكد إن الكل هيدخل مواسي ومعزي ويسعى للتفريج , وهو مالا أحتاجه هذه الفترة.



التجربة الماليزية

الثلاثاء، 25 نوفمبر 2008 · 18 علقوا عليها


لا أخفيكم سرا كم أُكِن لهذا البلد كل الاحترام والود.
احيانا تكون بعض الشعوب قدوة لغيرها في التطور, وكم نحتاج نحن إلى مثل هذا المثل خصوصا أننا أصحاب الحضارة والتاريخ.

في هذه الاثناء وجدت هذه التدوينة في مدونة د/إبراهيم سماحه - المرحوم في الثلاجة ( اقفل الباب كويس مش ناقصين عفاريت )

أترككم مع نص تدوينته:



السلام عليكم ورحمة الله وبركاته

أهلاً بكم

تحدثنا فى مقال سابق عن التنمية وكيف اننا فى حاجة إلى

تنمية أنفسنا ووطننا لنرى التقدم والرخاء...

نضع أمامنا التجربة الماليزية لنرى كيف عالج الطبيب الماليزى

مهاتير محمد آلام وأمراض الجسد البشرى للكثيرين من ابناء بلده

كما عالج آلام شعبه وأمته فقد كان مهاتير محمد رئيس وزراء ماليزيا

في الفترة من 1981 إلى 2003, تقدمت ماليزيا تقدما كبيرا في عهده,

وتحولت من دولة زراعية تعتمد على إنتاج وتصدير المواد الأولية

إلى دولة صناعية متقدمة فزادت الصادرات وزاد دخل المواطن زاد

لاكثر من سبعة امثال ما كان عليه منذ ثلاثين عاما،

وانخفضت نسبة البطالة ..فبذلك أخرج بلده من التخلف والفقر

إلى دولة ذات طابع إقتصادى ومالى مهم فى المنطقة فكان يدرك

أن معالجة أمراض الإنسان تتم بمعالجة الأمراض المحيطة به إجتماعياً

وسياسياً فى وقت واحد والتى ينتج عنها الآفات التى تصيب المجتمع

وتنعكس بطريقة سلبية على أفراده..فعبأ كل طاقات البلاد للنهضة في مشروع

أسماه "ماليزيا 2020" ورسم الخطط بحيث تصبح بلاده بحلول عام 2020

بلد على درجة عالية من التقدم الصناعي . .

وانتبه مهاتير محمد إلى أن أى تنمية فى البلاد لن يكون لها النجاح إلا

- بالتوحد بين عناصر المجتمع إقتصادياً ومعرفياً .

- بقدر من الديمقراطية .

- بمساحة من الشفافية.

- بإحترام القانون.

وقد نجح فى توحيد عناصر الشعب الماليزى من مسلمين وصينيين وبوذيين

ولقد نص الدستور الماليزي على أن الدين الرسمي للدولة هو الإسلام مع ضمان

الحقوق الدينية للأقليات الدينية الأخرى "، لذلك لزم التوحد بين جميع الأطراف

لتسير البلاد كلها من أجل الاتجاه نحو هدف واحد والعمل

وفق منظومة تتكاتف فيها جميع الفئات .

وعن رأى مهاتير محمد فى العولمة " أن العولمة مفهوم طبقته واستخدمته الدول

القوية لإستباحة إقتصادات الدول النامية "

هكذا بفكر وعبقرية هذا المهاتيرى إستطاع أن ينقذ ماليزيا من من الإنهيار

الإقتصادى التى كانت على شفا حفره فحقق السلام الداخلي في ماليزيا

من خلال سياسات إنتاجية وتنموية...فمهاتير رجل لا يرى الإسلام

مجرد ممارسة مجموعة من الشعائر الدينية بل منظومة متكاملة

تصلح لجميع شؤون الحياة وبفضل هذه العقلية الجبارة والروح

المتشبعة بتعاليم الشرع نهضت ماليزيا نهضة جبارة

تحارب بها قوى الغرب المادية...وهو القائل (وقتي انتهي..

لن أتولى أي مسؤوليات رسمية بعد 31 أكتوبر 2003م لأنه من المهم

أن يتولى قيادة ماليزيا جيل جديد بفكر جديد).

هذا آخر ما تحدث به هذا الطبيب لينهى زعامته لرئاسة وزراء ماليزيا

ضارباً مثلاً فى الديمقراطية والحرية ....وموضحاً لنا

أنه ليس المهم من يقود المسيرة ولكن المهم ان تتم قيادة المسيرة ..

د/إبراهيم سماحة

----------------------------------------

ولزيارة ماليزيا سياحياً هناك موقع يوضح أهم

المعالم السياحية فى ماليزيا وبعض المعلومات عنها

موقع : أهلا وسهلا بكم في ماليزيا

http://www.malaysiaarab.com



---------


اللهم أعز أمة نبيك محمد


الصراحة راااحة

الثلاثاء، 18 نوفمبر 2008 · 22 علقوا عليها

السلام عليكم ورحمة الله وبركاته .

أكيد طبعا إحنا عارفين إن الصراحة راحة.
ودايما بنربط الصراحة بالندم وتصحيح الأوضاع والاعترافات والتغير.
لكن أن تصل إلى حد البجاحة والتلامة فدا اللي مش مقبول بالعقل كده .
وإن كانت الصراحة نفسها مطلوبة بس لازم بعدها يكون في أي تغير في اﻷوضاع.

مش هطول
الموقف إني كنت إمبارح بذاكر مع واحد صاحبي في المدينة الجامعية , وأنا خارج قلت أما عدي على فرن العيش بتاع الجامعة أشتري عيش بدل ما الوالدة تنزل الفجر في البرد دا تشتري عي(شهم قوي ياخويا )

وكالمعتاد طبعا طابور والذي منه ودا مش مشكلة اصلا ﻷننا اتعدونا على كده .
لأ دا بالعكس ساعات بيكون الوقت قدام الفرن وقت ظريف وفرصة للتعرف على ناس جديدة - اه منتا ممكن تقف ساعتين على ما تاخد العيش .

المهم ربنا فرجها والعيش طلع بعد ما طلع روحنا مع إن العيش موجود جوة بس مش راضي يطلع ألا بمزاجه.
ولما طعه بقى يطلع 5 أكياس بـ 5 عشان يذلنا كمان شوية .

وفي التوزيع حصل الموقف اﻵتي :
طابورين واحد رجالة والتاني ستات , وطبعا عشان إحنا متأخر مفيش ستات .
حلو قوي
يجي واحد من بره - إزيك ياعمدة؟ أنا عايز 4 أكياس !!!
-عمدة: اتفضل يا زعيم .

طبعا اللي واقف على الشباك اتغاظ قوي , ازاي يدي اللي جاي من بره ويديله 4 كمان مع أنه مبيديش أكتر من 2.
-أيه يا ريس ؟ ينفع كده يعني إحنا واقفين طابور وانت تدي اللي برة ؟ دا كلام .

شوفوا الرد بقى :
-عمدة: في حاجة؟ إحنا هنا ماشين بمزاجنا ومحدش له علينا كلام.
لو عاجبك تقف في الطابور وتاخد زي الناس. إحنا ملناش قانون ولا عندنا ذمة ولاضمير من اﻵخر !!!!
- طيب ليه تديله 4 اديله زينا 2 بس .
- أنا حر بمزاجي , دا واحد معرفة وانا أديله اللي انا عايزه.
أنا طلبت أتنقل من هنا 10 مرات قبل كده ومحدش معبر فينا.
يبقى أعمل اللي أنا عايزة بقى !!!

طبعا لحد هنا والجدع اللي قدام الشباك سكت خالص (مهو هيقول ايه بعد كده ؟!)
والتعليقات من ورا بقى:
واحد كبير ورايا: لاحول ولا قوة إلا بالله(ويخبط كف بكف) استغفر الله العظيم.
واحد تاني: وربنا لما أخلص كلية لاروح أفتح فرن في بلدنا وهوقف البلد كلها طابور ومش موزع عشان أذلهم .
واحد ثالث: والله راجل جدع , الصراحة راحة برضو!!


هو أنا على فكرة مش بتكلم على ازمة العيش والذي منه , مع إني مش قادر استوعب إزاي مصر كبلد زراعي عريق "المفروض" يكون فيها ازمة دقيق بالشكل اللي مخلي الناس تتخانق على أفران العيش.

دا مش موضوعي أصلا .
بس الموقف نفسه يخليك تفكر إيه اللي خلى الراجل يقول الكلام دا؟!
طيب الناس دي ذنبها ايه ؟!

بصراحة أكتر أنا شايف إن كل اللي كانوا واقفين في الطابور يستاهلوا كده (بس أنا مش منهم طبعا )
تقولي ليه ؟
أولا الراجل اللي كان بيتخانق دا أصلا واخد دوري وانأ نفضت وكبرت دماغي.
هو يعني هياخد أكتر مني ولا هيجيله عيش أحسن - بالاضافة إني فاضي أصلا (يادوبك عندي إمتحان الصبح -ايه يعني؟ )

وأي واحد من دول لو جتله فرصة يعمل زي اللي خد دا هيعمل زيه بدون أي حرج؟

دا غير إن لو واحد واقف في الطابور وقاعد يوعظ فيك ويقولك مش لو كل واحد يحترم الدور مكنش دا بقى حالنا , وساعة ما العيش يطلع ويزغلل في عينه ينط علطول عليه. محنا كلنا ساعتها مبنبقاش فاضين ؟

شفتوا بقى إننا نستاهل ؟!!

اللي بيوزع العيش دا على بجاحته (مش صراحته) بس عرف كويس يسكت كل الناس وريح دماغه , مهو كل واحد هيقف قدامه هيقوله نفس الكلمتين وهو مش فاضي للكلام دا بقى

أنا بقى قلت أما أعمل فيها ناصح ولما جه دوري قلتله أنا عايز 4 أكياس !! قالي ﻷ مبنديش غير2 (منا مش معارف )
طيب هات 2 يا باشا

خدتهم ورجعت وقفت في الطابور تاني (مهو مكنش ورايا غير 3 بس)
ولما وصلتله تاني قلتله عايز 4
ضحك وقالي مفيش ألا 2 !!

بس أعتقد الرسالة وصلتله واعتقد كمان أنه إنسان كويس بس الظروف هيا اللي مخلياه يعمل كده , ولو إن دا مش مبرر.

اللي عايز اوصله إن مبدا الفهلوة و تفتيح الدماغ اللي إحنا مشاين بيه دا ومفكرين إننا كده مطاطأين ومفتحين عشان عارفين نصرف أمورنا ونسلك العملية والدنيا ماشية زي الفل مش هينفعنا حتى على المدى البعيد.
كل أما نعمل كده كل أما هنشوف وبتهيألي اللي إحنا شايفينه كفاية أصلا.

على فكرة - دا مش تذمر ولا سخط على عيشتنا ولا حاجة استغفر الله العظيم.
ولا دي مثالية مني ولا حاجة !!
بس انا موقن تمام اليقين إن لازم فعلا نكون صرحا مع نفسنا أكتر عشان نعرف نحل مشاكلنا ﻷن محدش هيحلهالنا غيرنا
لا يصح إلا الصحيح في الآخر برضو.
مطلوب إننا نبقى صرحا بس بشكل إيجابي.

سلام


آي-فون في مصر يا رجالة

· 10 علقوا عليها

السلام عليكم ورحمة الله وبركاته





هو الخبر مش جديد ولا حاجة.
Apple i-Phone 3G نزل مصر وتم الاعلان عنه يوم 14/11/2008.

والصراحة أنا مكنتش ناوي أكتب عنه اصلا, ودا لسببين :
الأول إني مش معايا فلوس أصلا , والثاني إنه نازل في فودافون وموبنيل والاتنين مش سكتي .

أمال ايه اللي خلاني اتكلم بقى ؟!
صراحة الاستفزاز بتاع السعر
سعر الـ 8G عامل 3800 جنبة , وال 16G عامل 4450 !! (يعني 687$ , 805$ بسعر النهاردة)
ليه ؟!!
بيقول بابا وماما ولا بيتكلم لوحدو ؟!!

في at&t ب 199$ , و 399$
آه هو مع عقد بسنتين بس مش مشكلة.
طيب ما يعملو كده , إنما ينزله بالسعر دا كتير قوي .

دا غير إنه طبعا متشال منه خدمة الـ GPS ودا طبيعي لأنه ممنوع في مصر أصلا.
لأ وكمان مفيش فك للشفرة لأنها مش مقفولة بـ software الموضوع داخل فيه hardware, يعني مفيش أمل في ال jailbreak كمان!

نفس الحركة دي حصلت على فكرة في الهند لما نزل في شهر 8 اللي فات زي ما يكون دي حاجة مترتبة مع آبل
بس على الأقل هو نزل بال GPS.

الغريب بقى اتصالات في في الحكاية دي ؟مش سامع صوتهم يعني ؟
ايه يا اتصالات



بس يلا مش مشكلة , أحلى حاجة إن علم بلدنا طلع في موقع آبل .




لو بطلنا نكسب نموت

الأحد، 16 نوفمبر 2008 · 13 علقوا عليها

السلام عليكم ورحمة الله وبركاته


الكبير علطول كبير يا أهلي






مش هقول إعجاز
لأ هو إنجاز.....

إنجاز إنك توصل للنهائي 4 سنين ورا بعض
إنجاز إنك تفوز في 3 مرات منهم
-والمرة الرابعة كبوة...... بس مش من الاهلي طبعا ,,,, والحدق يفهم -

إنجاز إنك توصل لكاس العالم للأندية 3 مرات


عشان كده الكبير ,,, دايما كبير


ألف مبروك لكل أهلاوي ( ومش أهلاوي بالمرة )




ولينا شوية تعليقات:

- أمير عبد الحميد
لفته جميلة ووفاء لابن الأهلي
بارك الله فيك



جمهور الأهلي الكبير قوي



- مش هنقول شكرا
هنقول الكبير برضو وراه ناس كبيره



- واحد من جمهور الأهلي
شخص ما كان في استاد جاروا بعد تسجيل هدفين الأهلي المشجعين كلهم بيبصوا على الملعب ومهيصين ودا متشعبط في حديد الاستاد وبيبص للكامرا وكنت حاسس إنه هيطلع من الشاشة يضربنا.
أنا معرفوش
بس اللي يشوفوا أمانه عليه يقولو معلمي بيسلم عليك وبيقولك
شكلك كان زبالة قوي.
ياريت تبقى تشجع الأهلي من بيتك بعد كده عشان وهنخلعلك حديد الاستاد واتشعبط عليه براحتك في بيتكم .

- أظرف مشجع سمعته
مشجع اهلاوي على قناة الأهلي بعد المباراة مسك الميكرفون وصرح تصريح خطير
جوزيه دا راجل عبقري .. المفروض نعمله تمثال ونعلقه على باب النادي
(ياراجل ... طيب ما نعلق الراجل نفسه وخلاص)





مسابقة البوست


اتفرج على الصور دي كويس واستنى السؤال بعدهم


ستاد رادس 2006 بعد فوز الأهلي



ستاد القاهرة 2007 بعد خسارة الأهلي



ستاد جاروا بعد فوز الأهلي


رغم روعة الاستاد الاول
وجمال الاستاد الثاني
و ...... الاستاد الثالث

تفتكروا مين فيهم أحسن؟


الاجابة:
مش دايما المدرجات هي الحكم
المهم البني آدمين اللي فيها

اعتقد جمهور الكاميرون عايز تحية كبيرة قوي مننا


ولا عزاء للروح الرياضية العربية



##########################################


مبرووووووووووووووك يا أهلي

وإن شاء الله دايما بطولات


##########################################




My first mobile post :)

الخميس، 13 نوفمبر 2008 · 14 علقوا عليها


Asslamu 3likom
This is my first post from my Sony Ericsson mobile.
Thanx Sony Ericsson ;)
Slaaam :D

Face 2 Face

الأربعاء، 12 نوفمبر 2008 · 4 علقوا عليها

What's new in Gmail?


Talk face to face with Gmail voice and video chat.



دا بالظبط اللي حصل
الفيديو بيشرح كل حاجة





يلا بقى سيبكم من التانين
الكبير كبير برضو
أنا بايت في جوجل الليلة


افتح قوس
للاسف
متطلبات النظام: Windows XP أو إصدار أحدث
اقفل القوس
نقطة

مش مشكلة خالص
بكرة يجيلنا على لينكس



بس خلاص

سلام

اكسر قيد هواك

الاثنين، 10 نوفمبر 2008 · 12 علقوا عليها

الإنتصار على الهوى



لما عرف الصالحون قدر الحياة أماتوا فيها الهوى فعاشوا

انتهبوا بأكف الجد ما قد نثرته أيدي البطالين ثم تخيلوا القيامة فاحتقروا الأعمال فماتت قلوبهم بالمخافة فاشتاقت إليهم الجوامد فالجذع يحن إلى الرسول والجنة تشتاق إلى ‏"‏ علي ‏"‏‏.‏



كم شخص أشخصه الشوق إلى الحج يكاد مودع المواثيق قبل تقبيله يقبله فلما قضى الناسك المناسك ثم رجع بقي سهم الشوق إليه في قلب منى خواطرهم تراقب حدود الشرع وقلوبهم



وَقَفَ الهَوى بي حَيثُ أَنتَ فَلَيس لي مُتَقَدّمٌ عَنهُ وَلا مُتَأَخّرُ



أنفوا من مزاحمة الخلق في أسواق الهوى

وقوي شوقهم فلم يحتملوا حصر الدنيا

فخرجوا إلى فضاء العز في صحراء التقوى

وضربوا مخيم المجد في ساحة الهدى

وتخيروا شواطىء أنهار الصدق

فشرعوا فيها مشارع البكاء

وانفردوا بقلقهم فساعدهم ريم الفلا

وترنمت بلابل بلبالهم في ظلام الدجى

فلو رأيت حزينهم يتقلب على جمر الغضا‏.‏



فيا محصورا عنهم في حبس الجهل والمنى إن خرجت من سجنك لترويح شجنك من غم البلاء عرج بذلك الوادي‏.‏



تلمح القوم الوجود ففهموا المقصود فجمعوا الرحل قبل الرحيل وشمروا في سواء السبيل فالناس يخوضون في وحل الإكتساب وهم في ظل القناعة ومرض الهوى يستغيثون في مارستان البلاء وهم في قصور السلامة وكسالى البطالة على فراش التواني وهم في حلبات السباق ‏(يَرجونَ تِجارَةً لَن تَبور‏)‏ ,يجرون خيل العزائم في ميادين المبادرة, ويضربون الدنيا بصولجان الأنفة فما مضت إلا ايام حتى عبروا القنطرة وقد سلموا من المكس‏.‏



غناهم في قلوبهم ‏(سيماهُم في وُجوهِهِم‏)‏ ما ضرهم ما عزهم

أعقبهم ما سرهم

هان عليهم طول الطريق لعلمهم بشرف المقصد

وحلت لهم مرارات البلاء لتعجيل السلامة فيابشراهم يوم ‏(هَذا يُومُكُم‏)‏‏.



سَخِطنا عِندَما جَنَتِ اللَيالي فَما زالَت بِنا حَتى رَضينا

سِعدنا بِالوِصالِ وَكَم سُقينا بِكاساتِ النَعيمِ وَكَم شُقينا

فَمَن لَم يَحـيَ بَعدَ المَوتِ يَوماً فَـإِنّا بَـعدَ مَيتَـتِنا حَيِينا





ابن الجوزي

كتاب اللطائف



ومعاك كمان واحد هاكرز

الخميس، 6 نوفمبر 2008 · 18 علقوا عليها




السلام عليكم ورحمة الله وبركاته



تتوالى الانجازات في الكات كالعادة

يوم الثلاثاء 4 نوفمبر كان ميعاد ال H4CK3RZ DAY

وكالعادة دايما على موعد مع النجاح طالما أنت في الـ CAT

**

المرة دي اليوم كان جامد جدا

مواضيع كلها جميلة بجد

وتجاوب الناس كان أحسن مع المواضيع مع ان في أخر اليوم العدد قل شوية

بس الملحوظ تجاوب الناس بالذات لما عرفوا انهم ممكن ياخدوا أسطوانة ubuntu 8.10
وااااااو

وطبعا انا كنت بلم الفلوس




كان يوم جميل بكل المقاييس

بالذات السيشن اللي اتكلمت عن
how to become a hacker
&
Hacking a wireless network : Alive Dimo

يارب دايما الكات في نجاح

كل اللي حسه اني شوية ندمان على تأخر انضمامي للأسرة الجميلة دي

بس لا وقت للبكاء على اللبن اللي وقع على الأرض
إحنا لسه هنعك إيدينا

خلينا في اللي جاي أحسن



تحيتي ,,,

From H4CK3RZ DAY


About this weBlog - عن هذه المدونة



هذه مدونتي الشخصية ,,

أرسم فيها عالم من خيالي.
فيها أبدا بعض تفاصيل حياتي من تحت الصفر !
أحلامي بسيطة ,, وغير متأكد من أني سأحققها يوما ما , ولكن كل ما أتمناه أن أخرج من هذه الدنيا على هذا الدين , فاللهم نسألك الثبات!



تلاوة القرآن الكريم

TvQuran

تظبيط

لغتي هويتي

لغتي
قد أكون أنا ايضا مضيعا لها
لكنه لا يمنع أن نتناصح

تويييت

تتبعني على تويتر