SCOPE 10 & WordCamp Egypt

الأربعاء، 25 مارس 2009 · 11 علقوا عليها



السلام عليكم ورحمة الله وبركاته

بالأمس كانت نهاية scope 10 , الحدث الذي تقيمه ال CAT -
Computer Assistant Team مرة كل فصل دراسي , والذي يجعل طلاب في جامعة المنصورة يفخرون بما تحققه الCAT يوما بعد يوم .



ولمن لا يعرف ما هي الCAT وما هو ال SCOPE فنقول:
إن ال CAT هي فريق مهتم بتكنولوجيا المعلومات ويقوم على نشاط طلابي خالص ويقدم ندوات ومحاضرات ومشاريع ومسابقات .
وال Scope هو مؤتمر يقام كل فصل دراسي وتقام فيه ورش عمل ومحاضرات عن شتى مجالات التقنية والمعلومات , ويستمر لعدة أيام.

ونشأت ال CAT في سنة 1997 واستمرت لفترة ثم توقفت , إلى أن جاء عام 2004 حتى دبت الحياة في الفكرة من جديد وتم تشكيل الفريق من جديد تحت اسم CAT reloaded ومن يومها استمر النجاح بمجهود طلابها وتاريخهم يشهد بذلك .

وهذا الفيديو فيه لقطات من تاريخ الكات ..




وتتكون ال CAT من عدة فرق داخلية هي :
HACKERZ
PixiCAT
DebiaK
CSED


شخصيا منذ أن انضممت للفريق منذ سنة لم أكن ذلك العضو الذي قدم الكثير ولم أكن نشطاً كما هو حال أكثر أعضاء الفريق , وقد يكون ذلك بسبب تأخر انضمامي نوعا ما بالاضافة إلى بعض الظروف الشخصية والتي أعاقتني

عن الكثير من النشاطات الأخرى كذلك , ولم يعد هناك الكثير من الجهد والوقت لأقدم للCAT شيئا , وبالطبع لن أتأخر يوما إذا كان هناك ما أقدمه .

ومع ذلك يكفيني أنا اعتبر نفسي عضو في الفريق بطريقة أو بأخرى , ولم يسألني أحد يوم ما عن الفريق واعطيت له انطباعا سيئا بالرغم من حالة الاحباط التي اعترتني كثيرا.

بارك الله فيهم , لقد استفدت منهم كثيرا ولا أبالغ عندما أقول أنهم غيروا مسرى حياتي ..
هذا الscope قد يكون الأخير في حال نجاحي هذا العام بطبيعة الحال , لذا فلا أجد أنسب من هذه الفرصة لأقول شكرا CAT , شكرا على كل شئ .


وبالعودة إلى scope 10 فقد شهد نجاحا كسابقيه . كانت هناك جلسات أكثر واستمر على مدى أربع أيام -لأول مرة- هي 21,22,23,24 مارس 2009 ..

قدمت الكثير من المحاضرات في مجال تكنولوجيا المعلومات .. شخصيا أعجبتني هذه المحاضرات

What's so cool about python?
والتي قدمها المهندس أحمد سليمان .


Internet Evolution
وقدمها محمد ضيف


Concurrency in java
قدمها عبدالله محمود

How to get to International English Certification ?
Mr. Ahmed Abdel ghani

Linux advanced routing & traffic control
وقدمها مهندس أحمد شبانة .


هذا كل شيئ ..


والآن جاء دور الفقرة الاعلانية ..
WordCamp Egypt 468*60 Banner

وما أود أن أعلن عنه هو WordCamp egypt 2009

حيث ستقوم ال depiak بتنظيم الحدث وهو حقا فخر لكل "الكاتوية" أن تقوم depiak بتنظيم حدث عالمي كهذا في المنصورة ولأول مرة في دول عربية.


ماهو WordCamp ؟
حدث عالمي , و هو عبارة عن مؤتمر يدور حول كل شيء في wordpress نظام التدوين الشهير . يجتمع في هذا المؤتمر العديد من الناس مثل مطورو المواقع و مصممي المواقع و أصحاب المدونات و المواقع و كل من يعشق نظام وورد بريس .


و ما هو depiak ؟
عبارة عن فريق تابع لأسرة CAT او Computer Assistant Team المشهورة بكلية الهندسة جامعة المنصورة و هذا الفريق مهتم بكل شئ متعلق بالويب مثل برمجة وتطوير مواقع الأنترنت , تصميم المواقع و أيضا إدارة المواقع و غيره مما يتعلق بعالم الويب و المواقع .

سيقام الحدث يوم السبت القادم 28 مارس 2009 في قاعة المؤتمرات في نادي الحوار .

ولمزبد من المعلومات عن ال wordCamp تفضل بزيارة الموقع الرسمي .

ِشكرا ,,,



هوا النهاردة ايه ؟

الخميس، 19 مارس 2009 · 16 علقوا عليها


السلام عليكم ورحمة الله وبركاته


طبعا كل سنة وانتو طيبين النهاردة 19 مارس عيد تحرير طابا ,, واحنا واخدين أجازة وقاعدين في بيوتنا بقى ومفيش دراسة ,,, وكل لطلبة اللي في بر مصر فرحانين والاهالي مع كده متضايقين - شوف بيكرهوا فرحنا .


الموقف الطريف اللي حصل من كام يوم لما كنا في الكلية وقاعدين بنتناقش هو يوم الخميس الجاي -اللي هوا النهاردة- أجازة ليييييه ؟

وكل واحد كان بيدلوا بدلوه بقى , والتفسيرات بقى ,,

أول واحد قال دا عيد تحرير سينا ,, طبعا محدش صدقه لان عيد تحرير سينا مش دلوقت - انا معرفش امتى بس هو مش دلوقت وخلاص -

التاني قالو ياعم دا عيد تحرير طااااابا !!!


طلعت أنا وبصيتله من فوق النضارة كده وقلتله طيب يا فالح لما هو عيد طابا اشمعنى الطلبة بس اللي واخدينه ؟!!

السؤال منطقي برضو والواد سكت ,, قام واحد من النص وقالي امال ايه يا جامد انت ؟؟!!
قلتله أكيد حاجة خاصة بالطلبة ,, شوفوا انتو عملتوا ايه يوم 19 مارس وبيحتفلوا بيه ؟؟

محدش رد طبعا لأننا معملناش حاجة وربنا !!

يعني هو مش عيد الطلبة على غرار عيد العمال كده !!

أمال ايه دا ؟؟

في الاخر قولنا الاعياد دي حاجة تاريخية ,, وبما ان العملية التعليمية دي بقت حاجة تاريخية عندنا يبقى احنا المفروض نحتفل بالعلم !!

وخلاص رسينا انو عيد العلم في الاخر ,,,


بس المشكلة بقى انه مطلعش عيد العلم ,, دا طلع عيد تحرير طابا بجد ,,

ويبقى السؤال بقى : طيب اشمعنى الطلبة اللي بيحتفلوا بيه ؟!!

ولا هما عايزين يعلمونا ازاي نحرر الأرض وبعدين نبيعها !!!


حسبنا الله ونعم الوكيل

لينكس من البداية

الأربعاء، 18 مارس 2009 · 7 علقوا عليها














السلام عليكم ورحمة الله وبركاته

اليوم تبدأ حياتي الجديدة مع لينكس .
فمنذ سنة وعدة أشهر كنت فيها مستخدما عاديا للينكس, سأصبح بعد اليوم إن شاء الله مستخدما محترفا له .

واللينكس كنظام تشغيل يجعلك تشعر بقيمة كل شئ في جهازك , يجعلك المتحكم في كل شئ , تسطيع أن تفعل ما تريد متى تشاء بالكيفية التي تراها أنت , لا أن يتحكم فيك أحدهم ويخبرك أن عليك أن تفعل كذا إذا أردت كذا , وتسلك هذا الطريق إن أردت فعل كذا ..
كل هذا ينتهي أمام اللينكس والأنظمة المشابهة ..

فعلا إنه نظام رائع ولقد أحببته من أول استخدام له منذ أكثر من سنة وبعيدا عن أي نقاشات حول الويندوزأو أي أنظمة اخرى , ومن الأفضل ومن الأمن ..

أسأل الله أن يوفقني لما فيه صالح المسلمين , وأن أنفعهم بعلمي وعملي على النحو الذي يرضيه عنا .اللهم
آمين.

لمزيد من المعلومات حول اللينكس من الممكن أن تقرأ في ويكيبديا

لا تنسونا من الدعاء بارك الله فيكم ,,



هندسة هندسة

الاثنين، 9 مارس 2009 · 26 علقوا عليها


السلام عليكم ورحمة الله وبركاته

بعد فترة طويلة كانت السقالات وريحة الدهانات والجير هي المسيطرة على الاجواء أمام كلية الهندسة ,, الحمد لله تم الأسبوع الماضي الانتهاء من الواجهة الجديدة لكلية الهندسة ,, والمنظر بقى أحسن من الأول والدنيا زي الفل بالذات ان دي المنطقة الرئيسية قدام تل أبيب .

وطبعا بما إن الواحد بيتعب في التعليم حتى بالأمارة المحاضرة اللي حضرتها الأسبوع اللي فات كنت واقف على رجلي ,, وخدوا بالكم انها كلية عملية ..
بس اللي غايظ الواحد بقى ان الكلية أصلا آيلة للسقوط , ومش عارف ايه لازمة انهم يجملوا في واجهة الادارة والكلية من جوا منظرها يقرف ,,

بلاش دي خلينا في المعامل اللي غير مجهزة بالمرة وهتكلم عن القسم بتاعي اللي بيعملوا فيه ترميمات حاليا ,, ولكن برضو اعتقد ملهاش لازمة في الاخر لأن الكلية عايزة تتهد أصلا .
الغريب أكتر إن هندسة المنصورة هي الكلية الوحيدة في جامعة المنصورة اللي محتاجة تطوير بجد لأن كل كليات الجامعة حالتها جيدة ( من ناحية المباني يعني مش حاجة تانية ) .
وأهو على الاقل طالما الجامعة التعليم فيها بايظ كده كده أهو نقعد في مكان نضيف شوية !!
التكاليف اللي الجامعة بتصرفها على المباني الادارية ملهاش مبرر والأولى ان المصارف تتصرف على المدرجات ,, أو حتى على التعليم نفسه بدل من التهريج اللي بيحصل دا وخلى الجامعة مكان لأي حاجة غير التعليم والحدق يفهم بقى .
طيب يصرفوا على المباني الادارية ماشي بس بعد ما يصرفوا على التعليم الأول ,, ولا هو النشاط الفني والرياضي في أسبوع شباب الجامعات اللي بيقولوا صرف 50 مليون أهم من النشاط التعليمي نفسه ؟!!

ملاحظة تانية وهي اني كان قد قٌدر لي الشهر اللي فات وأنا في معرض الكتاب , وبعد انتهاء الزيارة للمعرض ببص لقيت نفسي جوا كلية هندسة القاهرة , لأن الرحلة اللي انا كنت فيها طلبت معاهم يروحوا جنينة الحيوانات وأنا طبعا مش هدخلها لأن الواحد مش ناقص يشوف حيوانات كفاية اللي الواحد بيشوفه .
المهم كنت بدور على مكان أصلي فيه فواحد دلني وقالي ادخل من بوابة المدرسة دي وهتلاقي جامع ..
ببص لقيت نفسي جوا هندسة القاهرة (اللي الراجل مفكرها مدرسة بسلامة نية )
المهم ,, اللي شد انتباهي ان المباني مبنية من أيام الملك ,,, ومع كده حالتها أحسن من مباني جديدة نسبيا اتبنت في الستينات والسبعينات ... وسلملي على الثورة ...


الواجهة القديمةالواجهة الجديدة

الصورة من هندسة القاهرة


About this weBlog - عن هذه المدونة



هذه مدونتي الشخصية ,,

أرسم فيها عالم من خيالي.
فيها أبدا بعض تفاصيل حياتي من تحت الصفر !
أحلامي بسيطة ,, وغير متأكد من أني سأحققها يوما ما , ولكن كل ما أتمناه أن أخرج من هذه الدنيا على هذا الدين , فاللهم نسألك الثبات!



تلاوة القرآن الكريم

TvQuran

تظبيط

لغتي هويتي

لغتي
قد أكون أنا ايضا مضيعا لها
لكنه لا يمنع أن نتناصح

تويييت

تتبعني على تويتر